Lionel Messi ka gjuajtje tepër të fuqishme kur godet me të majtën e tij. Dhe këtë cilësi e ka marrë vesh edhe një grua në stadium, por që nuk ka kaluar pa dhimbje. Gjatë ndeshjes së djeshme së Barcelona-s kundër Villarreal, argjentinasi gjuan topin pranë limitit të zonës kundërshtare. Topi kalon mbi portë dhe godet një tifoze femër në tribunën e prapa portës.
Vajza e re është dëmtuar keq në kyçin e dorës, të cilin e kishte nxjerrë për vetëmbrojtje, teksa topi mund ta kishte goditur edhe në fytyrë. Mediet spanjolle raportojnë për një thyerje të kyçit, si dhe një kolaps të qarkullimit të gjakut prej shokut. Mjekët i erdhën për ta ndihmuar më vonë. Barça kërkon të rregullojë gabimin dhe e ka ftuar gruan në një nga ndeshjet që katalanasit do të luajnë në “Kamp Nou”.
