Kancelarja gjermane Angela Merkel flet në konferencën e shtypit me kryeministrin kroat, Andrej Pleckovic, për telefonatën e saj me presidentin amerikan Donald Trump.
Ajo tha se ka biseduar me presidentin e SHBA-ve, për çështjen e zgjidhjes së problemit ndërmjet Kosovës dhe Serbisë.
“Ne natyrisht përkrahim të gjitha bisedimet që çojnë në zgjidhje, por në të njëjtën kohë themi se integriteti territorial ekzistues është dimension i rëndësishëm”.
Ajo paralajmëroi se marrëveshja mes Serbisë dhe Kosovës për territorin e tyre kufitar mund të krijojë precedent ne vendet e tjera.
“Duhet të jemi të kujdesshëm që negociatat në një vend të mos çojnë në negociata në një vend tjetër”, u shpreh Merkel.
