Për median ka qenë shumë e vështirë sot të marrin një imazh të Saimir Tahirit që del në Gjykatën e Krimeve të Rënda për rivlerësim të masës së sigurisë. Ndonëse TV e kishin “blinduar” terrenin me kamera përpara shtëpisë dhe tek gjykata sërish ka qenë e pamundur, pasi makina e policisë me xhama të zinj është futur në garazhin e pallatit dhe më pas polici ka mbyllur derën duke mos lejuar të filmohet. Edhe në gjykatën ka hyrë sërish përmes garazhit. Aty është kapur nga mediat vetem një moment i shkurtër, ku Tahiri zbret nga makina me disa dosje në dorë.
Seanca në Apelin e Krimeve të Rënda sapo ka nisur dhe zhvillohet me dyer të mbyllura. Avokati kërkon ti hiqet masa e arrestit të shtëpisë dhe të dalë me detyrim paraqitje, sakaq prokuroria kërkon masë të ashpër “arrest me burg”.
Relatore është gjyqtarja Saida Dollani dhe anëtarë, Sokol Binaj e Fehmi Petku.
/Opinion.al
