Kur je në transmetim direkt disa ndodhi janë gati të pamundura të shmangen. Kështu ka ndodhur edhe në Tgr Puglia në Itali gjatë edicionit informativ të lajmeve.
Gene Gnocchi, i ftuar në studio për të folur rreth spektaklit të tij, krejt papritur është ngritur nga vendi i të ftuarit dhe ka puthur në buzë gazetaren Maria Grazia Lombardi.
“Teksa të dëgjova duke lexuar lajmet, më iku mendja pas teje, – i ka thënë ai fillimisht. – Ti je me të vërtet e mrekullueshme”.
Maria Grazia edhe pse është vënë në siklet nga kjo ndodhi, është përpjekur ta marrë me sportivitet duke thënë vetëm se do e mbajë mend këtë moment. “E humba arsyen, më fal për sinqeritetin, por kështu është. Unë do rri në Puglia për ty”, ka thënë ai.
