Mbrojtësi i Kombëtares së Kroacisë, Martin Erlic sot gjatë ditës ka qenë duke bërë një punë krejt jashtë profesionit të tij, teksa është filmuar duke lëvruar arat në vendlindjen e tij.
Gjesti i futbollistit po duartrokitet nga të gjithë dhe këtë gjë e bëri vetëm pak ditë pasi e luajti finalen e madhe të UEFA Nations League mes Kroacisë dhe Spanjës, ku kjo e fundit doli fituese pas penalltive.
25-vjeçari luajti 120 minuta në këtë finale dhe bëri një super paraqitje. Erlic është pjesë e Sassuolos dhe vlera e tij në sajtin e njohur “Transfermarkt” shkon deri në pesë milionë euro.
