“Dua vetëm 1 mijë lekë të vjetra, të bëjnë ligjin. Që unë të vdes e të mos më mohojnë vuajtjet dhe rininë e fëmijëve. Dua të mos vdes me këtë plagë të madhe, se jam në vitet e fundit të jetës. Të paktën të më njohin vuajtjet mua dhe fëmijëve të mi dhe bashkëshorti im që ka vdekur shumë i dëshpëruar”.
Kështu është shprehur në intervistën e saj për News 24, Avdije Alibali, balerina që mishëroi rolin e Mamicës, në filmin “Skënderbeu” dhe ndoshta e vetme aktore e mbetur gjallë nga protagonistët e atij filmi.
E dëbuar nga skena, e internuar më pas, ajo kërkon sot një dëmshpërblim simbolik, si njohje e vuajtjeve të saj në kohën e diktaturës.
“Kërceva 30 vite në skenë, shëtita botën nëpër skena botërore, me çmime dhe kur vjen fundi… luajta një film që më dha lavdi të jashtëzakonshme. Nuk di dhe si e kam luajtur. Vetëm me ndihmën, i dedikohet regjisorit rus. Isha fëmijë e fejume, lashë dhe zemrën këtu…”
Mirëpo me gjithë vitet që shkojnë, Zonja Avdije Alibali s’mund të qëndrojë larg pasionit të saj të madh…mbase të vetmit! ‘Kërcej ndonjëherë ndonjqë valle lirike..se nuk më lë”, ka thënë ajo në intervistën e mëposhtme.
