Politikani dhe intelektuali Luan Hajdaraga ka qenë me dhjetëra herë i ftuar në emisionin “Opinion” me qëndrime dhe argumenta për tema nga më të ndryshmet, që nga aktualiteti e deri tek ato që lidheshin me profesionin e tij si psikolog.
Ai ka qenë i ftuar që në emisionin e parë “Opinion” në studion e TVSH-së në vitin 1997 e po kështu i ftuar edhe në 20-vjetorin e këtij emisioni, një vit më parë. Në një video kolazh “In memoriam”, sjellim një kolazh të shkurtër të zotit Hajdaraga në studion e emisionit “Opinion”.
Luan Hajdaraga ndërroi jetë sot në moshën 69 vjeçare, pas një hemoragjie masive cerebrale që e goditi në tru katër muaj më parë në pikën doganore të Qafë Thanës, ndërsa kthehej nga Struga ku jepte leksione në fushën e sociologjisë.
Hajdaraga do të mbahet mend si një nga themeluesit e Partisë Socialiste në vitin 1991.
Karriera e tij vazhdoi në strukturat e lartë të Partisë Socialiste deri pak vite më parë, kur edhe u tërhoq përfudimisht nga politika aktive për tiu kthyer profesionit të pedagogur duke qenë edhe rektor i një universiteti të njohur privat në Tiranë.
Në vitet 1998-2000, Hajdaraga mbajti detyrën e Ministrit të Mbrojtjes në qeverinë e drejtuar nga Fatos Nano.
