Po vazhdon në këto momente tubimi i paralajmëruar Diasporës përpara Kryeministrisë.
Në këtë protestë, e cila është në ditën e dytë të saj, protestuesit kanë lëshuar thirrje kundër kryeministrit Rama.
“Ky kryeminister ka mbaruar, ju bëj thirrje gjithë shqiptarëve të ngrihen e ti shporrin, të vënë një standard, mos i lini më shumë nëse nuk mbajnë premtimet”- ka thënë një nga emigrantët protestues.
Ndërkohë që në protestën e sotme, krahas aktivistëve, janë bashkëngjitur edhe banorët e “Bregut të Lumit”, “Astirit” si edhe studentë.
Të cilët kanë lëshuar thirrje: “Mos e ulni kokën, nuk jemi shpellarë”
Nderkohë studentët janë shprehur se presin të punësohen në bazë të meritës dhe jo si militanta partiakë.
Protestuesit në fjalën e tyre kanë kërkuar gjithashtu edhe lista të hapura dhe ndryshim të Kodit Zgjedhor.
