Ministrja Lindita Nikolla është më sensitive nga çfarë e mendonim. Ajo sot ka shpërthyer në lot që nuk dimë nëse janë lot gëzimi apo hidhërimi?! Është 7 Marsi; Festa e mësuesit dhe në Kryeministri zhvillohet një event ku jepen 10 medalje për 10 mësuese të dalluara. Salla është e mbushur plot me mësuese të zgjedhura nga drejtoritë arsimore. Aty është edhe Kryeministri Rama.
Ministrja merr fjalën edhe flet për modelet e frymëzimit në shkollë, më pas bën një sërë falenderimesh.
“Faleminderit për gjithçka keni bërë. Ju nuk më latë vetem. Tek ju kam besimin e plotë dhe gjithë forcën për ti dalë në rrugën e dijes. Mirënjohje të thelle për ju që punoni në fshat, ku më e mira ende s’ka mbërritur. Faleminderit që e bëni më të bukur cdo shkollë të parikonstruktuar. Mirënjohje ju mësues që jeni heronjtë e mi. Jeni frymëzim për mua. Unë nuk harroj se jam një ndër ju. Kur vij tju vizitoj në shkolla mi numëroni të verteta e punës si askush tjeter. Duke më parë drejt më sy. Më ndihmoni duke më thënë të verteten se ju jeni siguria jeni suksesi”, shprehet ministrja dhe qan…
Pas disa sekondash falenderon edhe kryeministrin që sipas saj mundësoi një ceremoni dinjotoze.
Është e paqartë se për çfarë qan ministrja? Cilat janë te vertetat që asaj ia thonë në sy?
Disa te verteta dihen sepse çdo qytetar në mos si mësues, si prind ka lidhje me arsimin në këtë vend. Ministrja duhet ta dijë se problematika nuk rregullohet me shfaqje dramatiko-komike.
/Opinion.al
