Policia e Gjirokastrës ka shkatërruar një serë ku kultivohej bimë narkotike me llampa elektrike. Janë asgjesuar gjithësej rreth 350 bimë narkotike Canabis Sativa ndërkohë që në pranga ka rënë Muzafer Mamo, 56 – vjeç, i lindur në Lazarat.
Shtetasi kishte në pronësi një magazinë me sipërfaqe 70 metra katrorë, të vjetër në vendin e quajtur zona “Industriale” në Gjrokastër të cilën e kishte përshtatur në formë sere me sistem ngrohje me llampa elektrike. 350 bimët narkotike të sekuestruara varionin me lartësi nga 25 cm deri 40 cm .
Bimët narkotike u asgjesuan në vend me anë të djegies ndërsa një pjesë e tyre dhe pajisjet elektrike që shërbenin për ngrohje u sekustruan në cilësinë e provës materiale.
