Presidenti i Emirateve të Bashkuara Arabe, Mohamed bin Zayed Al Nahyan, është larguar nga Tirana, pas vizitës që zgjati disa orë dhe ku u nënshkruan disa marrëveshje bashkëpunimi.
Ka qenë po kryeministri Edi Rama që e ka përcjellë në aeroportin Nënë Tereza, i cili e ka përcjellë me përqafime.
“Përcjellja e Presidentit të Emirateve të Bashkuara Arabe, Mohamed bin Zayed Al Nahyan”, shkruan Rama, krahas videos.
Marrëveshjet e nënshkruara të bashkëpunimit mes palëve, janë:
-Marrëveshja Kuadër për Veprim mes Masdar, TAQA, KESH dhe OST, që u shkëmbyen mes Zëvendëskryeministres dhe Ministres së Infrastrukturës dhe Energjisë Belinda Balluku, si dhe kryetarit të MASDAR Sulltan Al Jaber.
– Letër Angazhimi për Projektin Albania Smart City ndërmjet “Presight AI Ltd” dhe Ministrisë së Brendshme e Republikës së Shqipërisë, të shkëmbyera mes Ministrit të Brendshëm Ervin Hoxha dhe Kryetarit të “Presight AI Ltd” Sulltan Al Jaber.
Marrëveshjet u shkëmbyen në një ceremoni të posaçme në praninë e Kryeministrit Rama dhe Presidentit të EBA Mohamed bin Zayed Al Nahyan.
