Presidenti turk Recep Tayip Erdogan zhvilloi një vizitë disaditore në Serbi ku nënshkroi 16 marrëveshje bashkëpunimi. Vizita vjen pas 7 viteve nga koha kur në Serbi pati ndaluar si kryeministër, ishte ekonomia, por u prek ndër të tjera edhe çështja e paqes në Ballkan.
Ndërsa theksonte se qëndrimi i tij atje është dëshmi e rëndësisë që u jep Ankaraja marrëdhënieve me Beogradin, Erdogan u shpreh se prania e 185 biznesmenëve turq në sallë është tregues i vullnetit për avancimin e marrëdhënieve mes dy shteteve, e përmendi edhe ata që mund të mos jenë të kënaqur me këtë afrim.
Ekspertët argumentojnë se objektivi i Turqisë janë eksportet, pa të cilat vendi nuk e realizon dot qëllimin e porsavendosur të një rritjeje në nivelin 5.5%. Ballkani Perëndimor përfaqëson për të krahun e lirë të punës dhe një barrierë më të ulët për hyrjen në tregun e BE-së.
Sakaq mediat serbe pasqyruan edhe një darkë të shtruar për nder të Presidentit turk Erdogan nga Presidenti serb Vuçiç.
Por surprizën më të madhe ia ka bërë ministri i Jashtëm i Serbisë Ivica Daçiç, i cili ka kënguar këngën e Osman Agës në turqisht.
Performanca ka elektrizuar të pranishmit, por është kritikuar nga mediat të cilat shfaqen pakënaqësi ndaj Daçiç që zgjodhi ta këndojë këngën në turqisht. Kjo është përkthyer dhe këndohen edhe në disa vende të Ballkanit, mes tyre edhe në shqip. /Opinion.al
*versioni shqiptar i kenges
*Versioni serb i kenges
