Hyn në dyqan si klient dhe arrin të marr Iphone 7 dhe të largohet. Personi në këto pamje është shpallur në kërkim nga policia.
Vjedhja që shihni në pamjet e mëposhtme ka ndodhur mbrëmjen e së premtes dhe është regjistruar nga kamerat e sigurisë. Një person i veshur me xhup, tuta sportive dhe një kapele ushtarake që hyn në dyqan si klient. Sapo i afrohet vitrinës së telefonave, ai arrin ta shkëpusë një Iphone 7 dhe më pas largohet me vrap. Ajo që shqetëson efektivët e policisë së kryeqytetit është se vjedhje të tilla të ngjashme kanë ndodhur në disa raste në Tiranë.
Dyshimet janë se është i njëjti autor që ka mundur të kryejë së paku tri vjedhje të kësaj natyre në Tiranë, raporton tv Klan.
Nisur nga këto pamje dhe të dhëna të tjera hetuesit duket se kanë mundur të identifikojnë të dyshuarin i cili është shpallur në kërkim.
