Deputetja e PS-së, Evis Kushi tha për Opinion se nga njëra anë kemi informalitet të plotë ndërsa nga ana tjetër kemi dhunë. Sipas saj, këto mund të jenë të ndërthurura, por nuk na siguron askush se në kopshtet publike nuk ka dhunë.
“Këto janë dy problematika që secila prej tyre han debat në vete. Sepse në njëfarë mënyre nuk kanë lidhje me njëra-tjetrën. Çfarë dua të them nëse ne duhet të flasim për dhunën, apo nëse flasim për informalitetin, sigurisht se këtu kemi një rast flagrant, por ne nuk kemi thënë asnjëherë se ne e çliruam Shqipërinë nga informaliteti. As nuk e kemi premtuar këtë gjë. Ky rasti shumë mirë se u zbulua personat të mbajnë përgjegjësi, por ama nga ana tjetër nuk mund ta mohojmë atë punë që po bëhet, atë luftë që po bëhet kundër informalitetit. Qoftë në sektorin e biznesit apo qoftë në sektorin e edukimit apo fusha të tjera”, tha Kushi për opinion.
