Deputetja e Partisë së Lirisë, Monika Krymadhi ka qenë këtë të mërkurë në territorin e inceneratorit të Tiranës, ku siç shprehet ajo është një hapësirë prej 15 hektarësh dhe ku ndërtimi është pa leje.
Kryemadhi teksa ka ngritur një dron në këtë pjesë të territorit thotë se janë zhdukur liqenet, ndërsa toka është kthyer në mal.
“Unë jam në mesin e ndërtimit pa leje të inceneratorit të Tiranës. Në atë hapësirë prej 15 hektarësh, e cila është ndërtim pa leje dhe janë liqene të zhdukura të kthyer në tokë dhe tokë e kthyer në mal”, shprehet Monika Kryemadhi.
Kryemadhi firmosi të hënën një shtesë padie për inceneratorin për të cilën tha se do ta depozitojë në SPAK.
Ajo akuzoi kryebashkiakun e Tiranës, Erion Veliaj, se ka detyruar kompanitë e ndërtimit që të dërgojnë inerte tek inceneratori, por këto mbetje janë depozituar në zonën për rreth duke shkatërruar pyllin dhe liqenin që sipas saj ishte në këtë zonë.
