Gramoz Ruçi nuk e la opozitën të fliste në foltoren e Parlamentit, ndërsa Monika Kryemadhi “u hakmorr” jashtë sallës duke i bllokuar konferencën Taulant Ballës. Kreu i grupit të socialistëve, doli para mirkofonëve të medias në oborrin e parlamentit dhe teksa sulmonte opozitën nga pas i shkon Monika Kryemadhi. “Gruaja e Presidentit po bën zhurmuesin”, tha Balla i cili spo e përfundonte dot fjalimin. Sakaq Kryemadhi i rreh shpatullat dhe i thotë “Ik Taulant”.
Monika Kryemadhi: Të flasim edhe ne të opozitës.
Taulant Balla: Patjetër që do të flasësh se atje brenda ta zuri Luli vendin. Më vjen shumë keq që bashkëshortja e Presidentit të Republikës ka filluar të bëjë zhurmuesen, por ky është fati i keq i opozitës.
Monika Kryemadhi: Taulant, s’jam marrë as me motrën tëndë, as me gruan tënde.
Taulant Balla: Kjo është edukata juaj!
Monika Kryemadhi: Edukata ime është shumë e mirë, po mos u merr me çështje familjare.
