Tirana u trondit mbrëmjen e djeshme nga një vrasje e ndodhur në Kinostudio, ku humbi jetën Marjo Majollari 28 vjeç. Ai u qëllua me 3 plumba duke e lënë të vdekur poshtë banesës së tij në kryeqytet. Por menjëherë pas ngjarjes, nëna e tij ka vënë kujën pasi pa të birin të pa jetë. Pamjet e siguruara nga “Gazeta Shqiptare” janë rënqethëse.
Teksa ulërimat e nënës të këpusin shpirtin, dëshmitarët në vendin e ngjarjes dëgjohen të thonë:
“Është nëna e djalit, atij që kanë vrarë. Është i biri i saj!”
Vrasja tronditi mbrëmjen e së martës kryeqytetin, ku 28 vjeçari gjeti vdekjen e menjëhershme me tre plumba pistolete.
Policia dyshon se vrasja ka ardhur për larje hesapesh, pasi i ati i viktimës, Avni Majollari, rezulton një person i dënuar për vrasjen e dy personave në vitin 2000.
Kjo është edhe pista kryesore ku po heton policia. Ndërkohë autorët, ende të paidentifikuar, janë larguar menjëherë pas ngjarjes, e një automjet në drejtim të Dajtit.
