Një shtetas italian që fshihej në Shqipëri me identitet të rremë është ndaluar paraditen e sotme nga policia.
Pasquale Scalisë, 47 vjeç, ishte dënuar nga Gjykata Italiane me 11 vite e 6 muaj burg.
Ai jetonte në zonën e Don Boskos në Tiranë, ndërkohë që njihej këtu me emrin Andrea
Akuza që rëndon ndaj tij në Itali është “Mashtrim Financiar” dhe “Mashtrim kompjuterik”.
Njoftimi i plotë i policise
Kapet dhe arrestohet përkohësisht me qëllim ekstradimi drejt Italisë 47 vjeçari nga Italia, i dënuar me 11 vjet e 6 muaj burg.
Operacioni nga DVP Tiranë në bashkëpunim me Interpol Tirana.
Forca e Operacioneve Speciale dhe Kërkimit në D.V.P. Tiranë në bashkëpunim me Interpol Tirana, mbi bazën e informacioneve të marra në rrugë operative kapën dhe arrestuan përkohësisht me qëllim ekstradimi drejt Italisë shtetasin italian:
– Pasquale Scalise, 47 vjeç, banues në Itali.
Ky shtetas është person i shpallur në kërkim ndërkombëtar, pasi Gjykata Italiane e ka dënuar këtë shtetas me 11 vite e 6 muaj burg për veprat penale “Mashtrim Financiar” dhe “Mashtrim kompjuterik”.
Shtetasi italian, i cili kishte ndryshuar dhe emrin nga Pasquale në Andrea, qëndronte në Tiranë në zonën e “Ali Demit”.
Veprimet e mëtejshme do të kryhen nga Zyra e Interpolit Tiranë.
