Këngëtarja e njohur e muzikës popullore, Merita Halili, ka folur për herë të parë për sëmundjen e saj aq shumë të përfolur në media. E ftuar në Top Magazinë në Top Chanel ajo ka rrëfyer për Albana Osmanin se “E di shumë që është folur që Merita është sëmurë, kanë thënë gjëra që unë i mësova shumë vonë, por është normale, Në përgjithësi për njeriun publik flitet. Unë u diagnostikova në Shqipëri dhe kurohem në Amerikë. Është një sëmundje autoimune që i ndodh gjithkujt, quhet Lupus, por shumica e njerëzve nuk e dinë. Ne jemi shumë të rrahur me diellin, jemi rritur me diellin, mirëpo atje u shfaq dhe këto janë çështje imune”, tha këngëtarja.
