Ndoshta historia e tyre e dashurisë ka përfunduar, por ama ata do ta kenë një (ose më shumë) këngë që do ti lidhë përjetësisht me njëri-tjetrin. Ja disa nga këngëtaret që kanë përfshirë në klipe ish-të dashurit e tyre:
Tuna dhe Cozman
Reperi Cozman u bë i famshëm për publikun shqiptar, me këngën “Fenix” ose “Zogu” me të cilën njihet nga të gjithë. Në këtë video u prezantuam për herë të parë me të dashurin e ri të këngëtares shkupiane, Tuna. Ndonëse i kanë dhënë fund marrëdhënies së tyre, ata do të kenë dy këngë kujtim, “Hola” dhe “Fenix”.
Dafina Zeqiri
Këngëtarja Dafina Zeqiri ka përfshirë disa nga të dashurit në projektet e saj muzikore. Në këngën “Dangerously in love”, i dashuri i saj Krenari ka qenë si figurant në klip. Më pas kemi bashkëpunimet me Ledri Vulën, (që janë tre) si dhe në këngën “Veç me t’pas ty”, ku shfaqet krah ish- të dashurit të saj, Dj Blunt.
Soni Malaj dhe Mirkos
Në këngën “Me rrena” shfaqet një mashkull shumë simpatik latin dhe ai është Mirko, ish-bashkëshorti i këngëtares shqiptare, Soni Malaj. Mirko është figurant në projektin e Sonit, ama i ka dhënë më potencë këngës.
Rozana Radi dhe Mc Kresha
Ndonëse janë ndarë edhe ata i lidh një projekt i përbashkët muzikor. Ai është “Jabadabadu” i publikuar në 2011.
Adelina Berisha dhe Stine
Këngëtarja kosovare, Adelina Berisha dhe kantautori shqiptar, Stine kanë patur një romancë dashurie vite më parë. “Dashuria fillon” por fatkeqësisht mes tyre gjithçka ka mbaruar.
