Gentjan Litit iu vendos tritol në banesë mbrëmjen e djeshme. Kjo është hera e dytë që ia bie pre e sulmit me lëndë plasëse. Nga shpërthimi i mbrëmjes së djeshme mbeti i plagosur vetë 34 vjeçari dhe djali i tij i mitur.
Ngjarja ndodhi në lagjen “Dunavati i dytë” të Gjirokastrës dhe mendohet se lënda eksplozive ka qenë rreth 100 gram tritol C4. Në verën e vitit 2013, atij i ishte vendosur eksploziv në automjetin tip furgon, të parkuar pranë banesës. Nga shpërthimi pati vetëm dëme materiale. 34-vjeçari me profesion kasap, ka një dyqan mishi në zonën muzeale të Gjirokastrës. Dyshimet e hetuesve janë se të dy atentatet janë kryer nga e njëjta dorë. Ato mund të kenë lidhje me aktivitetin tregtar të Gentjan Litit, per çështje pronësie apo ndonjë konflikt tjetër.
Subjekti i atentatit është i njohur edhe për blutë e Gjirokastrës pasi disa herë është paraqitur në komisariat për çështje konflikti në lidhje me pronësinë. Autorët ende nuk janë kapur nga policia e Gjirokastrës.
/Opinion.al
