Një video karaoke e kryeministres italiane Giorgia Meloni dhe zv.kryeministrit Matteo Salvini, të cilët për ditëlindjen e 50-të të sekretarit të Legas, kënduan sëbashku ka bërë xhiron e rrjetit në Itali dhe ka shkaktuar mjaft polemika.
Mediat italiane shkruajnë se ata performuan këngën e Marinellës, një nga këngët më të njohura të Fabrizios De Andrè.
Video e duetit është postuar në Instagram nga Nicola Porro: “Të flasim për krizën e qeverisë”, shton në postimin e tij gazetari i Mediaset. Për fat nuk duhet të mbijetojmë duke kënduar” komenton duke qeshur ministri i mbrojtjes Guido Crosetto, por video ka provokuar dhe reagime të tjera mes kritikave dhe sarkazmës.
Giorgia Meloni e Matteo Salvini cantano “La canzone di Marinella” di Fabrizio De André alla festa per i 50 anni del leghista. (Video di Nicola Porro) pic.twitter.com/Mmv2eMb8eC
— Giacomo Salvini (@salvini_giacomo) March 10, 2023
I ashpër ka qenë kryebashkiaku i Bolonjës.
“Dje ishte një ditë shumë e dhimbshme për të gjithë ne, ne varrosëm disa arkivole, mes tyre edhe një vajzë të vogël. Duhet të them se më lanë shumë përshtypje pamjet që pashë si në konferencën për shtyp të qeverisë, ashtu edhe të karaokes së Salvinit dhe Melonit. Duhet të takonin familjet e tyre ose të bënin homazhe te arkivolet, por në fakt gjetën kohë për të festuar 50-vjetorin e ministrit Salvini”, tha Matteo Lepore, kryebashkiak i Bolonjës, qyteti ku dje u kremtua funerali për disa nga viktimat e mbytjes së anijes Cutro. “Më duhen edhe disa ditë – shtoi Lepore – për të kuptuar se cilat janë fjalët më të përshtatshme për të komentuar një skenë të këtij lloji”.
“Dy të krishterët Meloni dhe Salvini, nuk shkojnë në Cutro për të kryer homazhe” shkroi gazetarja Selvaggia Lucarelli në Twitter. Këndojnë në ditën e gabuar në vendin e gabuar, u shpreh drejtori i Stampa Massimo Giannini./Opinion.al
