Kosova ka treguar edhe njëherë se i duhet shumë punë për tu mësuar me kompeticione madhore. Pas humbjes katastrofike me Kroacinë me shifrat 0-6, Kosova është mundur para pak minutash në Krakovë të Polonisë, edhe nga Ukraina me shifrat 0-3. Takimi i vlefshëm për grupin I kualifikues të Kupës së Botës “Rusi 2018” mes Ukrainës dhe Kosovës u luajt në fushë asnjëanëse për shkak të mosnjohjes politike të Kosovës si shtet më vete.
7′ Goditje e saktë nga jashtë zone e Rotan dhe Ukraina udhëheq 3-0 tashmë.
84′ Ukraina kryen zëvendësimin e fundit. Largohet autori i golit, Kravets, në fushë Zozulja.
82′ Karton i verdhë për Kryeziun pas një ndërhyrjeje të gabuar. Mesfushori do të mungojë në ndeshjen e ardhshme.
81′ Dyfishon shifrat Ukraina. Krosimi i Karavaiev nga e majta kontrollohet mjaft mirë në zonë nga Iarmolenko, i cili shmang mbrojtësin dhe përballë Ujkanit nuke ka të vështirë të shënojë.
79′ Ukraina kryen zëvendësimin e dytë. Largohet Konopljanka, në fushë Karavaiev.
78′ Kosova godet shtyllën me anë të Bernard Berishës.
77′ Kosova kryen zëvendësimin e fundit. Largohet Përdedaj duke çaluar, në fushë futet Sulejmani.
76′ Kosova pretendon për një penallti pas prekjes me dorë të topit nga një mbrojtës ukrainas brenda zonës, por nuk mendon ashtu gjyqtari.
74′ Kravets gjuan rrezikshëm nga hyrja e zonës, por topi kalon ngjitur me shtyllën.
71′ Asnjë rast për t’u përmendur gjatë këtyre minutave.
66′ Kosova kryen zëvendësimin e dytë. Del nga loja Rashica, futet Zeneli.
63′ Trajneri Shevçenko nxjerr nga loja Zinçenkon dhe aktivizon Rotanin.
61′ Rashica fut një top të rrezikshëm në zonë, por Muriqi nuk arrin ta devijojë dot si duhet.
60′ Bernard Berisha tenton me një goditje nga larg por portieri Pjatov e çon topin në goditje këndi.
59′ Konopljanka tenton nga larg me një goditje të rrezikshme, dhe Ujkani vendoset në vështirësi duke mos e kontrolluar dot topin, por mbrojtësit i vijnë në ndihmë duke larguar rrezikun.
54′ Trajneri Bunjaki largon nga fusha Alban Mehën për të aktivizuar Bernard Berishën.
53′ Konopljanka futet drejt qendrës që nga krahu i majtë dhe tenton me një goditje nga hyrja e zonës, por Ujkani kontrollon pa problem topin.
50′ Ka filluar e qetë pjesa e dytë. Shumë qarkullim topi dhe asnjë rast.
46′ Fillon pjesa e dytë Kosova luan topin e parë.
45+1′ Mbyllet pjesa e parë. Ukrainasit në avantazh të një goli.
43′ Zinçenko tenton me një gjysëm-kthesë të rrezikshme nga hyrja e zonës, por Ujkani është i vëmendshëm duke kontrolluar pa problem topin.
38′ Iarmolenko lëshon një goditje të fortë nga jashtë zonës, por Ujkani pret mjaft mirë duke e çuar topin në goditje këndi.
31′ Shënon Ukraina. Kravets kalon Ukrainën në avantazh me një goditje mjaft të bukur nga hyrja e zonës, e cila ndihmohet dhe nga devijimi i lehtë i Rrahmanit.
30′ Rashica driblon shkëlqyeshëm mbrojtësat kundërshtarë, por goditja e tij e rrezikshme nga hyrja e zonës gjen në pozicion portierin Pjatov.
28′ Butko fut një top të rrezikshmëm në zonë nga e djathta, por Kravets nuk arrin dot ta devijojë para portës së boshatisur.
23′ Disa kombinime mjaft të bukura të ukrainasve nxjerrin Konopljankën rrezikshëm brenda zonës, por goditja e tij shkon ngjitur me shtyllën.
20′ Karton i verdhë për Valon Berishën pas një ndërhyrjeje të gabuar.
15′ Konopljanka hyn në zonë nga e majta dhe ka hapësirën e duhur për të rrezikuar, por goditja e tij e prek vetëm rrjetën e jashtme.
10′ Lojë e qetë gjatë këtyre minutave. Mungojnë rastet për shënim nga të dy ekipet.
4′ Iarmolenko futet drejt qendrës që nga krahu i djathtë, por goditja e tij nga jashtë zonës është e gabuar dhe përfundon jashtë.
1′ Fillon takimi. Ukraina luan topin e parë.
Formacionet zyrtare
Ukrainë (4-4-2): Pjatov, Butko, Ordets, Kuçer, Butko, Iarmolenko, Kovalenko, Stepanenko, Konopljanka (Karavaiev 79′), Zinçenko (Rotan 63′), Kravets
Trajner: Andrij Shevçenko
Kosovë (4-2-3-1): Ujkani, Përdedaj (Sulejmani 77′), Rrahmani, Pnishi, Paqarada, Kryeziu, Meha (B. Berisha 54′), Rashica (Zeneli 66′), Shala, V. Berisha, Muriqi
Trajner: Albert Bunjaki
Gjyqtar: Kevin Blom (Holandë)
KV: V.Berisha 20′
