Policia ka arritur të sekuestrojë një sasi të madhe droge në Tiranë. Bëhet fjalë për 1 kg kokainë. Gjatë operacionit janë arrestuar dy trafikantë dhe një tjetër është shpallur në kërkim, pasi arriti të largohej nga vendngjarja.
Të arrestuarit janë Gj. Gj., 49 vjeç, banues në Tiranë, i dënuar më parë për “Prodhim dhe shitje të lëndëve narkotike” dhe I. A., 53 vjeç, banues në Tiranë, i dënuar më parë për “Fallsifikim të dokumentave”. Sipas policisë në kërkim është shpallur A. K., 41 vjeç, banues në Tiranë. Këta persona dyshohen se në bashkëpunim me njëri tjetrin kryenin shitjen e lëndëve narkotike, te llojit Kokainë dhe Heroinë, në zona të ndryshme të Tiranës. Lëndën narkotike e siguronin tek shtetasi I. A.
Ata u kapën mbrëmjen e djeshme në rrugën “Vllaznit Huta”. Në momentin e ndërhyrjes ka arritur të largohet me shpejtësi me automjetin e tij shtetasi A. K., duke mos ju bindur thirrjeve për të ndaluar, tha policia.
Nga kontrolli i ushtruar në automjetin tip Fiat është konstatuar një sasi me lëndë të dyshuar narkotike të llojt “Kokaine”, e cila rezultoi me peshë 978 gramë.
Nga informacionet e marra dhe nga kushtet e flagrancës, është ushtruar kontroll në banesën e shtetasit I. A. ku nga kontrolli i ushtruar është konstatuar një dozë e dyshuar lëndë narkotike e llojit “Heroinë”.
Gjithashtu nga kontrolli i banesës së shtetasit Gj. Gj., është gjetur një sasi prej 12.5 gramë lëndë e dyshuar narkotike e llojt “Kokainë”, një peshore elektronike si dhe shuma monetare prej 6750 euro.
Në cilësinë e provës materialejanë sekuestruar:
– 990 gramë lëndë e dyshuar narkotike e llojt Kokainë.
– 0,6 gramë lëndë e dyshuar narkotike e llojt Heroinë.
– 1 pushkë sportive.
– 12 aparate celularë të markave të ndryshme.
– 2 automje të markave të ndryshme.
Të arrestuarit akuzohen për prodhim dhe shitje të lëndëve narkotike, kryer në bashkëpunim.
*Më poshtë video e arrestimit
