Policia e Vlorës ka zhvilluar një operacion antidroge në Vlorë ku ka arrestuar dy persona me 22 kg kanabis sativa.
Të arrestuarit janë Fatjon Zykaj, 30 vjeç, banues në fshatin Resulaj të Vlorës dhe Pajtim Basho 50 vjeç, banues në Selenicë.
http://www.dailymotion.com/video/x41xy3t_operacion-antidroge-resulaj_news
Këta shtetas, duke udhëtuar në aksin rrugor pranë fshatit Resulaj, në drejtim të Selenicës, me automjetin tip “Audi A-3” me targë: Vl5011C, në pronësi të shtetasit: Fatjon Zykaj, janë kapur në flagrancë në ndjekje nga Policia, pasi gjatë një kontrolli të ushtruar në këtë automjet, është konstatuar një sasi me lëndë narkotike prej 19 kg e 400 gr, kanabis sativa e fshehur në bagazhin e këtij mjeti, mbështjellë me thasë.
Gjatë kontrollit të ushtruar në banesën 3-katëshe të shtetasit: Fatjon Zykaj, në fshatin Resulaj, Shërbimet e Policisë kanë gjetur një sasi me lëndë narkotike prej 820 gr, të llojit kanabis.
Gjithashtu, gjatë kontrollit të ushtruar në banesën e shtetasit Pajtim Basho, në Bashkinë Selenicë, Shërbimet e Policisë kanë gjetur një sasi me lëndë narkotike prej 2 kg e 100 gr kanabis.
