Maqedonia ka kaluar një natë të vështirë, e sidomos Shkupi. Rrugë përplot me mbeturina, disa të tjera të bllokuara, mungesë e energjisë elektrike në lagjet më të prekura. Ndërsa flitet edhe për disa viktima, rritet ankthi se çdo gjë mund të përsëritet…
Një ditë pas çmendjes së motit në rajonin e Shkupit, ku u regjistruan reshje rekord dhe më shumë se 800 goditje të rrufeve, gjendja është larg normales.
Qyteti i Shkupit ka formuar një Shtab Emergjent, ndërsa Presidenti i shtetit, Gjorgje Ivanov, thirri ushtrinë për të ndihmuar në evakuimin e banorëve nga lagjet më të prekura.
Mediat vendase shkruajnë se një mot i tillë nuk është parë në Shkup prej dekadash. Reshjet intensive të shoqëruara me era të forta vijojnë prej disa orësh, duke shkaktuar përmbytje në disa zona.
Ndërkohë, sipas Klan Kosovës një fëmijë 13 – vjeç rezulton i zhdukur në Hasanbeg të Shkupit, ndërsa shumë familje në këtë zonë po evakuohen për shkak të vërshimeve të mëdha të ujit.
[fbvideo link=”https://www.facebook.com/tv21hd/videos/832359116894294/” width=”500″ height=”400″ onlyvideo=”1″]
