Koncesioni i fundit që ka planifikuar qeveria për t’i dhënë një operatori privat të 18 laboratoret e spitaleve rajonale dhe atyre universitare, ka shkaktuar një reagim të madh tek komuniteti mjeksor.
Për ti qetësuar ministri i shëndetësisë ka zhvilluar një takim me ta. Por, ai ka mbetur pa përgjigje përpara pyetjeve agresive të teknikëve të laboratorëve që shprehën shqetësimin se koncesionari i ri do ti hedhi në rrugë pavarësisht nga eksperienca dhe formimi i tyre. Për më shumë shikoni videon poshtë.
Sherri i zbardhur:
Laborantja: Se ti mua nuk më heq dot, nuk vijnë të na zgjedhi dot privati, koncensionari, sepse kam mbaruar kursin si gjithë të tjerët në vitin 2000, kam hequr 2 milion lekë nga buka e fëmijëve, zoti ministër mbase për ju këto janë të vogla dhe katër vjet të shtunë të dielë më ke kërkuar shkollën dhe tani të vijë koncensionari të thotë ‘ik ti zonjë se do vijë një tjetër’
Beqja: Po jo moj zonjë. Atë detyrim kontraktual që punëdhënësi ka me ju do ta garantoj një për një. Nëse ke dy vjet me atë kontratë, e ke për 5 vjet do ta marrësh rrogën për 5 vjet, do punosh apo s’do punosh?
Laborantja: Zoti ministër ,unë e kam pasion profesionin, dua të punoj, kam edhe një pozicion që i rri punës në kokë dhe s’ka një pacient që ka ardhur në maternitet dhe ka dalë pa analiza. Fuqizo shërbimin parësor. Mos më vinë mua nga poliklinikat e lagjes të bëjnë gjak, urinë, sekrecion, kur del albumina negative.
Unë jam spital universitar të përgjigjem për një albuminë 15 gr, hemoglobinë 5 gr, jo të vish të bësh ti rutinën te mua se ministria nuk fuqizon parësorin. Ti më ngarkon mua dhe parësori do rri parazit
Beqja: Nuk është e vërtetë
Laborantja: Si nuk është e vërtetë, përplasem unë me njerëzit.
Beqja: Më dëgjo, ulu dhe dëgjo
Laborantja: Më ke thirrur për të më dëgjuar cfarë ka
Beqja: A më bëre pyetje
Laborantja: Po do bëj pyetje dhe ti do më përgjigjesh. Edhe një herë duhet të na ndani nga mjekët, s’e kuptoj, unë marr gjakun e bebeve, hap formulën dhe formulën e shikon mjeku, si do i përgjigjem unë me mjekun kur kam koncesionarin në mes?
