Juventus ka fituar 2-1 ndaj Napoli dhe konfirmohet se është pretendentja kryesore në Serie A. Golin e fitores për bardhezinjtë e shënoi pikërisht Gonzalo Higuain, sulmuesi argjentinas që gjatë merkatos së verës kaloi nga Napoli te Juve për 90 milionë euro. Higuain nuk festoi në shenjë respekti, ndërsa skuadra e Allegri fluturon në krye me 27 pikë pas 11 ndeshjesh, pesë më shumë se Roma e vendit të dytë, që luan nesër kundër Empoli.
Pas një pjese të parë të mbyllur në barazim pa gola, por të luajtur më mirë nga skuadra e Napoli, ndeshja u “ndez” në 45 minutat e dyta. Pesë minuta pas pushimit, gjatë një rrëmuje në një goditje nga këndi, Bonucci përfiton nga një gabim i Ghoulam dhe tund rrjetën me një goditje fluturimthi. Gjithsesi, katër minuta më vonë, Napoli barazoi pasi Insigne dha një pasim të artë për Hamsik që doli i vetëm përballë Buffon dhe mposhti kapitenin kuqezi.
Pas një pjese të parë të mbyllur në barazim pa gola, por të luajtur më mirë nga skuadra e Napoli, ndeshja u “ndez” në 45 minutat e dyta. Pesë minuta pas pushimit, gjatë një rrëmuje në një goditje nga këndi, Bonucci përfiton nga një gabim i Ghoulam dhe tund rrjetën me një goditje fluturimthi. Gjithsesi, katër minuta më vonë, Napoli barazoi pasi Insigne dha një pasim të artë për Hamsik që doli i vetëm përballë Buffon dhe mposhti kapitenin kuqezi.
Gjithsesi, 20 minuta para fundit, Juventus gjeti golin e fitores së nëntë në 11 ndeshje të luajtura sivjet, ndërsa dy humbjet kanë ndodhur në “San Siro” kundër Milan dhe Inter. Higuain shënoi me një goditje të saktë me të majtën, golin e tij numër 7 në këtë kampionat. Në mesjavë, Juventus do të ndeshet me Lyon në Champions League, ndërsa Napoli përballet me Besiktas…
http://www.dailymotion.com/video/x4qp47j_all-goals-highlights-juventus-2-1-napoli-29-10-2016%E1%B4%B4%E1%B4%B0_sport
