Një sjellje skandaloze dhe aspak e denjë për Policinë e Shtetit është regjistruar tre ditë më parë në Durrës me protagonist dy efektivë.
Me një fjalor banal, dy efektivë të Durrësit kanë shtrirë në tokë një të ri, ndaj të cilit përveç dhunës fizike ushtrojnë dhe dhunë verbale.
Polici i drejtohet të riut duke e fyer “‘Do të masakroj, boll, dorëzohu! Këlysh k**ve, ju q** motrat”. I riu i shtrirë në tokë thjesht thotë: “Po na terrorizoni o çuna”.
Lidhur me rastin, Agjencia e Mbikqyrjes Policore (AMP) ka nisur hetimin për 2 punonjës policie të cilët iu drejtuan një të riu me fjalor jo etik dhe e dhunuan.
Përmes një njoftimi zyrtar, blutë e Durrësit sqarojnë se më datën 26 qershor janë arrestuar shtetasit E.D., 27 vjeç dhe G. S., 26 vjeç, pasi gjatë kontrolleve fizike, 27-vjeçarit i është gjetur një mjet prerës, ndërsa shtetasit 26-vjeçarit i është gjetur një sasi lënde narkotike cannabis sativa.
Sipas njoftimit të policisë, të dy këta shtetas kanë përdorur forcën kundër punonjësve të Policisë, për t’i ndaluar të kryejnë veprimet procedurale për rastin.
