Jeta e grave muslimane, paragjykimet dhe çdo ndjesi tjetër që përjetojnë besimtaret e devotshme muslimane, kanë qenë në qendër të programit “Jo vetëm modë”.
Moderatorja dhe autorja e këtij programi, Floriana Garo ka sjellë dy histori interesante grash intelektuale, të cilat kishin zgjedhur vetë të mbuloheshin me çarçaf.
Albina Nanaj anëtare e Këshillit Bashkiak të Tiranës për PDIU thotë se, vendimi për tu mbuluar ka ardhur krejt natyrshëm, aspak i detyruar nga familja dhe njerëzit e afërm.
“Ka ardhur krejt natyrshëm, kisha kaluar dy stinë të verës e veshur dhe gjithçka erdhi për shkak të devocionit…Unë kam lindur dhe rritur në Fier dhe aty nuk është sh e zakonshme të mbuloheshe dhe në rrethin shoqëror të shohin me habi, por familja ime ka qenë shumë mbështetëse. Ata kanë kërkuar nga unë bindje dhe maturi”.
Të njëjtën gjë ka pohuar edhe Lindita një tjetër grua në karrierë, e cila krahas besimit dhe mbulesës është një punojnëse e zonja në administratën e Bashkisë së Elbasanit.
“Mbulesa është një hap shumë i rëndëishëm dhe ky hap përkoi me vajtjen time në Kuvajt…Shamia ishte gjithë kohës në mendjen time por kjo ishte rasti që unë të realizoja këtë dhe unë e kam vendosur në airoport…”.
Ndërkaq moderatorja Floriana Garo ka qenë kuriozë të shohë edhe garderobën e tyre, për të kuptuar nëse edhe këto vajza kombinohen, dhe ajo ka qenë një pjesë shumë interesante e programit. Video e mëposhtme ju tregon më shumë detaje:
