Mbrëmjen e djeshme rreth orës 20:15, në rrugën e “Kavajës”, mjeti tip “Hyndai”, në pronësi të shtetasit Sh. Ç. ka ecur me shpejtësi tej normave të lejuara.
Një makinë policie e ndodhur në vendngjarje e ka ndjekur nga pas.
Mjeti ka ndryshuar korsinë e lëvizjes dhe nga shpejtësia tej normave ka humbur kontrollin, duke përplasur katër mjete, ndër to mjetin e policisë që po e ndiqte.
Humbja e kontrollit ka bërë që të përplaset me murin e një supermarketi dhe për pasojë është dëmtuar lehtë shtetasi B. H, 62 – vjeç, i i cili ndodhet jashtë rrezikut për jetën dhe po i jepet ndihma në QSUT.
Më pas drejtuesi i mjetit ka dalë nga makina duke u larguar me vrap.
Mjeti është në pronësi të Drejtorisë Përgjithshme të Doganave dhe në përdorim nga punonjësi Sh. Ç.
Ky automjet dyshohet të jetë vjedhur me thyerje, pasi është konstatuar xhami anësor i thyer, rreth 20 minuta përpara ngjarjes.
Pronari automjetit ishte paraqitur në Komisariatin 6 për të kallëzuar vjedhjen.
Menjëherë shërbimet policore kanë arritur të identifikojnë dhe më pas shoqërojnë shtetasin, Dritan Tufa, 35 – vjeç, si autor i dyshuar i ngjarjes.
