TIRANE –Një 20 – vjeçar është arrestuar mëngjesin e sotëm në Tiranë, pasi dyshohet se është autori i një grabitje të ndodhur pak ditë më parë, në një prej kazinove të kryeqytetit.
Policia ka zbardhur ngjarjen e ndodhur më datë 04.03.2016, ku një shtetas nën kërcënimin e thikës vodhi 1.5 milionë lekë në kazino “Admiral” në Tiranë.
Nga Specialistët e Komisariatit të Policisë Nr.3, pas një pune hetimore intensive është arritur të identifikohet dhe të ndalohet autori i dyshuar i vjedhjes , Marsildo Ndoja, 20 – vjeç, banues në Tiranë.
Gjatë kontrollit të ushtruar në banesën e tij, u bë i mundur sekuestrimi në cilësinë e provës materiale të thikës dhe rrobave të përdorura ditën e ngjarjes, një laptop HP, 4 celularë Iphone 6, Iphone 4, Alcatel, Nokia E72, një vlerë monetare prej 13000 lekë të reja, si dhe disa bizhu për meshkuj.
Materialet procedurale iu referuan Prokurorisë së Rrethit Gjyqësor Tiranë, për veprën penale të “Vjedhjes me dhunë” dhe “Mbajtjes pa leje të armëve të ftohta.”/tvklan
