Fitorja e Shqipërisë me Rumaninë ka lumturuar një komb të tërë. Rrugët e Tiranës, Prishtinës por edhe të qyteteve shqiptare në Maqedoni janë veshur kuq e zi atë mbrëmje. Festa ka qenë e madhe. Në ndonjë rast, edhe e përlotur. Kështu ka ndodhur me Artin, djaloshin nga Kosova, i cili është një tifoz i zjarrtë i kombëtares shqiptare. Edhe pse është ende i vogël, Arti ka ndjenja për ngjyrat kuq e zi dhe Shqipërinë, – njofton “Zëri.info”.
Pas humbjes së Shqipërisë me Zvicrën dhe Francën në finalet e “Euro 2016”, lotët e Artit nuk kishin të ndalur, ato kishin “vërshuar” edhe në rrjetet sociale.
Kur Shqipëria kaloi në avantazh ndaj Rumanisë, me anë të golit të Armando Sadikut, në minutën e 43-të, Arti shpërtheu me lot gëzimi, duke bërtitur nga zemra: Shqipëria, Shqipëria! Po nuk ka si Shqipëria! Familjarët e tij e kanë filmuar me celular këtë ngazëllim të madh të djaloshit të vogël dhe shpejt videoja ka bërë xhiron e rrjeteve sociale.
[fbvideo link=”https://www.facebook.com/axharra/videos/10207437936761506/” width=”500″ height=”400″ onlyvideo=”1″]
