Bersant Celina ka vazhduar kontratën me Manchester Cityn edhe për tri vite të tjera
Sulmuesi i Përfaqësueses së Kosovës, Bersant Celina, ka vazhduar kontratën me Manchester Cityn edhe për tri vite të tjera, që ka me mbajt atë në ‘Etihad Stadium’ deri në vitin 2020.
Kontrata aktuale e 19 vjeçarit skadonte në vitin 2017, por klubi nga ‘Etihad Stadium’, besojnë se kosovari mund t’i hyjë në punë Pep Guardiolës, i cili pritet ta promovojë atë në ekipin e parë nga sezonin e ardhshëm.
Sulmuesi i Kosovës, është shprehur tejet i lumtur pas vazhdimit të kontratës me Cityn dhe shpreson se trajneri i ri do t’i jap atij më shumë hapësira në ekipin e parë.
“Ndihem krenar që do të jem këtu deri në vitin 2020. Është e mrekullueshme të nënshkruash për klubin që do. Unë dua të qëndroj këtu sa më gjatë që të jetë e mundur dhe shoh të ardhme në vetën time”, ka thënë Celina.
“Tani më duhet të pres dhe të shoh se çfarë po planifikon trajneri i ri. Shpresoj që të jem pjesë e ekipit të parë fillimisht në parasezonë. Do të shohim çfarë do të ndodhë pas pushimeve”, ka shtuar sulmuesi kosovar.
