Momenti i diskutueshëm, kur Gabi e preku topin me dorë në zonën e rreptësisë, në minutat shtesë të çerekfinales së kthimit, Atletico Madrid-Barcelona 2-0, të cilën arbitri italian, Rizzoli, nuk e akordoi penallti, por goditje dënimi mbi vijën e 16 metrave, ka hapur polemika të pritshme.
Vetë katalanasit nuk janë ankuar shumë, në fakt, por mediat botërore e kanë evidentuar këtë fakt, madje e kanë konsideruar si një ndikim të konsiderueshëm në eliminimin e Barcelonës nga Champions.
”442oons”, kanali i famshëm në “youtube”, ka krijuar këtë version të animuar, i cili krijon disa mundësi për të konfirmuar “komplotin” ndaj Barcelonës, në anulimin (mosdhënien) e një penalltie 100 përqind të saktë, në minutat e fundit, kundër Atletico Madrid.
Në mesin e “fajtorëve” të mundshëm janë Drogba e Torres, si dhe një grua e marrë peng nga Torres. Sulmuesi bjond i ka vendosur armën kokës, duke kërkuar si këmbim për lirimin e saj dënimin maksimal për katalanasit, pas daljes së tij me të kuqe në çerekfinalen e parë.
Një asambël “cartoon” qesharak është përdorur për të dhënë një kthesë të re të momentit të diskutueshëm të penalltisë së padhënë të mërkurën, në “Vicente Calderon”. Ky videomontazh i animuar shoqërohet edhe me titra, si shpjegim për atë që ka dashur të thotë autori i saj.
Rasti i penalltisë së padhënë nga Rizzoli në favor të Barcelonës“Sonte, Barcelonës iu mohua një penallti e qartë. Gabim i sinqertë, apo më shumë, me të vërtetë konspiracion i “Champions League”?
Së pari, është Fernando që telefonon Rizzolin: Unë nuk duhet të kisha dalë jashtë fushe (me të kuq) javën e kaluar. Unë kam marrë peng gruan tuaj …., jepe goditje të lirë, ose ajo merr të shtëna kokës.
Arbitri italian i përgjigjet: Dakord! Kemi pasur një marrëveshje. Si mund ta keni harruar. Së dyti, është teoria e rryshfetit. Te stoli i Simeones shfaet Platini, presidenti i pezulluar i UEFAs, me një letër në dorë, duke i thënë trajnerit argjentinas: Këtu është fatura juaj!
Rizzoli gaboi në rastin e mosdhënies së penalltisëSimeone replikon: Hej! Ky është një turp! Ky është një turp! Ashtu si në vitin 2009 (rasti i daljes me të kuqe të Drogba), një ofertë turpi! E treta është “karma theory”.
Iniesta, që goditi topin, i cili u ndal në dorën e Gabit, i drejtohet arbitrit: Si, nuk është kjo penallti? Rizzoli i përgjigjet: Sikurse ishte hendbolli juaj, a nuk meritonte një karton të kuq? Prekje me dorë, arbitër, prekje me dorë, – ankohet Iniesta.
Teoria e fshehjes është në radhë, në konsipracionin e mosdhënies së penalltisë për Barcelonën.Goditje e lirë, – thotë Rizzoli. Hej, kjo ishte një penallti, – vijon të thërrasë Iniesta. Pra, po më kundërshton mua? – i kthehet arbitri italian.
Çfarë? – pyet kapiteni katalanas. Pra, po më kundërshton mua? – përsërit Rizzoli, i cili duket i vendosur për goditje të lirë mbi vijën e zonës së 16 metrave të Atletico Madridit e jo penallti.
