Protesta e sotme e aktivistëve të shoqërisë civile ka degjeneruar në dhunë, momente përplasje dhe tensione mes protestuesve dhe policisë bashkiake dhe asaj të rendit. Kjo pasi disa aktivistë u shoqeruan në komisariat. Policia e Shtetit njoftoi përmes një komunikate se ishte shoqëruar një student kosovar pasi kishte dhunuar një efektiv të Bashkisë. Ndërsa kreu i Bashkisë Erion Veliaj nga spitali ku ishte shtruar efektivi tha se nuk do lejohet asnjë qytetar të dhunojë uniformën e shtetit.
Aktivistët që kundërshtojnë punimet në Parkun e Liqenit kanë pasur sërish përplasje me Policinë. Forcat e Policisë kanë shoqëruar me dhunë disa protestues të cilët kishin bllokuar rrugën në hyrje të Komisariatit Nr.1 në kryeqytet. “Ju bëjmë thirrje qytetareve të lirë të këtij qyteti të na bashkohen tek Komisariati nr.1 i Policisë. Kanë arrestuar qytetarë të cilët po luftojnë për oksigjenin tonë të përbashkët. Bashkohuni tek Komisariati nr. 1 sa më shumë aq më mirë. Përveç njëritjetrit nuk kemi kënd tjetër”, thuhet në thirrjen e aktivistëve. Ata shprehen se një aktivistë 18vjeçar është goditur nga disa anëtarë tw PD-se.
Personat e arrestuar sot:
1. Dritan Sakuta
2. Isa Myzyrqj
3. Hamës Trexhnjeva
4. Eljan Taninaj
5. Erdi Myrtaj
6. Orges Zani
7. Zirkon Disha
8. Besmir Agalliu
9. Aranit Beqiraj Dhe 3 persona të tjerë./Panorama
