Pretendimet se tunelet në Rripin e Gazës janë kthyer nga Hamasi në bazë milicie dhe që hyrjet e daljet i kanë në spitale e shkolla, Izraeli ka zgjedhur t’i provojë me një video.
Pamjet tregojnë zëdhënësin e ushtrisë izraelite, kundëradmiralin Daniel Hagari duke hyrë në një prej tuneleve të Hamasit, i cili daljen e ka në spitalin fëmijëve të Gazës, Al-Radisi.
“Ne gjetëm prova që sugjeronin se Hamasi po mbante pengje këtu“, tha zëdhënësi i IDF-së.
Komandot e njësisë Shayetet 13 dhe anëtarët e Brigadës 401 të Blinduar të IDF, të cilët bastisën spitalin, pretendojnë se zbuluan shenja identifikuese të Hamasit në bodrumin e kompleksit.
Në video-mesazh, Hagari thotë se “poshtë spitalit, në bodrum, gjetëm një qendër operacionale të Hamasit, jelekë antiplumb, granata, kallashnikovë AK-47, pajisje shpërthyese, RPG (raketëhedhës) dhe armatime të tjera.”
“Pas masakrës së 7 tetorit, terroristët e Hamasit u kthyen në këtë spital pasi therën izraelitët brenda shtëpive të tyre. Hamasi fshihet brenda spitaleve. Sot po ia zbulojmë të gjithë botës”, pohoi zëdhënësi i forcave të armatosura izraelite.
Kundëradmirali Haggari po ashtu thotë se IDF ka punuar prej ditësh për të evakuuar në mënyrë të sigurt pacientët nga Al-Radisi dhe spitalet e tjera në veri të Gazës.
“Lufta është kundër Hamasit, jo kundër popullit të Gazës. Sidomos jo kundër të sëmurëve, grave dhe fëmijëve”, thekson ai dhe akuzon Hamasin për përdorimin e civilëve si “mburoja njerëzore”.
EXCLUSIVE RAW FOOTAGE: Watch IDF Spokesperson RAdm. Daniel Hagari walk through one of Hamas’ subterranean terrorist tunnels—only to exit in Gaza’s Rantisi hospital on the other side.
Inside these tunnels, Hamas terrorists hide, operate and hold Israeli hostages against their… pic.twitter.com/Nx4lVrvSXH
— Israel Defense Forces (@IDF) November 13, 2023
Diapers, a baby’s bottle, a chair and next to it a rope for tying hostages: this is what the Rantisi hospital shelter looks like, where the murderous organization Hamas held hostages pic.twitter.com/T7IOlV4tfC
— Amichai Stein (@AmichaiStein1) November 13, 2023
