Një furgon i blinduar që përdorej për transportin e sendeve me vlerë është sulmuar nga persona të armatosur përgjatë autostradës A14, 2 kilometra nga dalja e Cerignolas në Foggia të Italisë.
Agresorët qëlluan një breshëri plumbash në drejtim të mjetit, pasi kishin vendosur zinxhirë me gozhdë në rrugë për të shpuar gomat e tij. Autostrada u bllokua, ndërsa disa makina u dogjën.
Polica ka mbërritur në vendngjarje duke raportuar se nuk ka asnjë viktimë dhe 8 grabitësit nuk arritën të merrnin asgjë nga mjeti i blinduar. Pas këtij episodi, grabitësit u larguan me shpejtësi duke kaluar trafikndarësin dhe humbur kështu gjurmët./Opinion.al
