Pavarësisht se ishte “në arrest” shtëpie, një 28 vjeçar nga Vlora po qarkullonte me armë zjarri në qyteti me mjetin e tij tip Benz.
Në pranga ka përfunduar shtetasi me iniciale T.M, i cili është kapur në lagjen ”28 Nëntori”, duke qarkulluar me automjetin tip ”Benz”, ku posedonte një armë zjarri pistoletë pa leje, dy krehëra me 25 fishekë dhe një sasi lënde narkotike kanabisi.
Po ashtu ka rezultuar se ka thyer Urdhrin e Gjykatës së Apelit Vlorë e cila i ka caktuar masën e sigurisë ”Arrest shtëpie”, për veprën penale ”Vrasje me dashje e mbetur në tentativë” dhe ”Prodhimi e mbajtja pa leje e armëve luftarake dhe municionit”.
Në cilësinë e provës materiale u sekuestrua arma e zjarrit pistoletë, dy krehëra me 25 fishekë dhe automjeti tip ”Benz”.
