Armando Sadiku, sulmuesi i Kombëtares që na dhuroi shumë emocione kur shënoi përballë Rumanisë në Euro 2016, i vetmi gol i Shqipërisë në Europian ka dhënë një intervistë mjaft të hapur dhe të këndshme për emisionin “Opinion” mbrëmjen e së martës.
Sadiku ka folur për emocionet në Francë, për vajzën që përqafoi të parën (nuk është e dashura), për vemendjen e shtuar ndaj tij dhe ofertat që po pret për sezonin e ri.
Pjesë nga Intervista me Armando Sadikun
Ka qenë shumë emocionues momenti kur shënova golin e tretë që i dha Shqipërisë kualifikimin. Isha mjeriu më i lumtur në botë. Por sigurisht emocione të mëdha kam pasur edhe në Francë. Ai gol me Rumaninë do të mbetet më i rëndësishme në karrierën time.
Po shansi i humbur me Zvicrën?
Ishte një moment shumë i keq dhe e kam përjetuar edhe disa ditë pas ndeshjes. S’jam ndjerë shumë mirë. Por do të isha më i hidhëruar nëse sdo më ishte dhënë shansi të luaja sërish. Kam vrapuar për ekipin dhe trajneri i ka shikuar këto gjëra tek unë dhe më dha besimin për Francën… Isha në formë të mirë fizike ia shpërbleva edhe në ndeshjen kundër Francës dhe atë me Rumaninë.
Si ka qenë atmosfera në dhomat e zhveshjes pas ndeshjes me Francën?
Nuk ndjehej pas miza në dhomat e zhveshjes. Edhe Misteri kur ka ardhur donte të thoshte diçka por pastaj na pa të gjithëve në atë qetësi absolute dhe tha “nuk kam çfarë u them tjetër… ” sepse e pa se sa të mërzitur ishim.
Ndeshja me Rumaninë?
Ndeshja me Rumaninë ishte “jetë a vdekje”, ne e dimin se s’mund të kishte ndeshje tjetër duhet të fitonim se s’bën. Deri në minutën e golit nuk isha paraqitur mirë… Ishte një pasim i bukur dhe unë çova topin në rrjete.
Mirë që s’kam dalë nga stadiumi nga gëzimi….
Sapo mbaroi pjesa e parë, Edlira sekretarja e Presidentit në federate ishte e para që kam përqafuar. Ajo po qante…kemi qarë të dy… Ajo është një person që më ka mbështetur gjithnjë në karrierë dhe në fytyrën e saj kam parë…se sa i rëndësishëm ishte ai gol.
Është rritur vemendja ndaj jush?
Kam pasur komente, mesazhe nga shumë fansa edhe nga femra. Jam “singel”. Më kanë pëlqyer mesazhet, pot akoma nuk kam arritur që do gjej vajzën që dëshiroj. Por edhe kështu është shumë “nice” të përjetosh këto momente….
Ofertat?
Për momentin kam disa oferta… por si fillim do të bëj disa ditë pushim se e kam të nevojshme. Do ti shqyrtoj me kujdes dhe do të vendosim. Do të doja të luaja në Bundesligë, shpresoj të realizohet kjo gjë.
*intervistoi: Sonila Sina, OPINION/ TV KLAN
