Këngëtarja shqiptare me famë botërore, Rita Ora ka performuar në Hungari të shtunën mbrëma në Festivalin e të Rinjve në Szeged. Por, Ritës gjatë interpretimit iu hodh nga adhuruesit një flamur i Serbisë.
Sikurse duket në video këngëtarja e mori flamurin serb, e mbajti në duar teksa ecte në skenë, e valëviti dhe madje e vendosi pas krahëve.
Video e cila ka bërë xhiron e rrjetit, ka marrë pafund reagime nga komentues shqiptarë, të cilët e kanë kritikuar Rita Orën për këtë gjest.
Ndërkaq, vetë këngëtarja ka reaguar duke sqaruar rastin.
“Mbrëmë gjatë performancës në Festival SZIN në Hungari, mu dha një flamur nga një fans i ri. Prej ndriçimit direkt ne sy e ne skenë, nuk pash qartë se cilin shtet përfaqësonte flamuri. Sapo dola nga skena, kuptova se ishte një flamur serb e jo Hungarez! Përderisa i mbështes te gjithë fansat e mi, nga te gjitha vendet dhe kulturat, du ta bejë shume të qartë se jam një shqiptare krenare e Kosoves, dhe nuk ishte qëllimi im të mos respektoja trashëgiminë time, ose të mërzitja popullin tim ose familjen time”-është shprehur Rita Ora.
Kujtojmë se vazhdimisht kengetarja në aktivitetet e saj ka qene promotore e origjines se saj.
Flamujt që Rita ka zgjedhur që t’i ketë në video klipe dhe në koncertet e saj janë flamuri I Shqipërisë dhe ai i Kosovës.
