Me Stefano Pioli-n në stol që nga nëntori i 2016-s, Interi ka gjetur ritmin e duhur dhe u ka dhënë fund luhatjeve në lojë. Një seri rezultatesh pozitive ka nisur për skuadrën e Milanos që nga 8 dhjetori, me shtatë fitore radhazi në të gjitha veprimtaritë.
Fitorja e fundit qe ajo e së martës në “Giuseppe Meazza”, ndaj Bolonjës, në një takim të vlefshëm për një të tetat e Kupës së Italisë.
E nisur fare mirë, kjo ndeshje do të ndërlikohej për vendasit, të cilëve do t’u duhej koha shtesë për të fituar. Murillo do të shënonte një gol spektakolar në minutën e 33-të, që do të pasohej nga një tjetër gol gjashtë minuta më vonë, i realizuar nga Palacio.
Inter Milan’s Jeison Murillo doing his best Andy Carroll impression tonight (via @capuanogio)… pic.twitter.com/Q9uZdmI13n
— talkingbaws (@talkingbaws) January 17, 2017
Një top i gjuajtur nga Dzemaili pak para mbarimit të pjesës së parë dhe i devijuar do të përfundonte në portën e Interit, duke ringjallur shpresat për Bolonjën. Donsah do t’i çonte shifrat në 2-2 në pjesën e dytë.
U desh të shënonte Candreva në shtesat pesëmbëdhjetëminutëshe që Interi të fitonte 3-2 e të kualifikohej për në çerekfinale.
“Ishte një ndeshje e mirë, me shumë raste,” deklaroi Pioli pas përfundimit të lojës. “E kishim lojën në duart tona, por kjo ndeshje është provë se nëse ndaloni për një moment, loja mund të rihapet. Në fund merituam të fitonim.”
https://youtu.be/zLmYQgWaz4g
Interi do të ndeshet në çerekfinale me fituesin e çiftit Lacio – Xhenova, që ndeshen sonte. Po sonte luhet dhe takimi Sasuolo – Çezena, për t’ia lënë nesër radhën sfidës Roma – Sampdoria. /tesheshi
