Më 18 Korrik 2016 kur ishte i ftuar në studion e Opinion, Ilir Meta deklaronte se nuk mund të bëhet President i Republikës pa konsensusin e opozitës. Sot ai shkon drejt Presidencës me votat e PS dhe LSI dhe pa mbështetjen e PD-së.
Meta ishte i ftuar në emision 3 ditë përpara se të votohej reforma në drejtësi (21 korrik 2016) ku edhe atëherë ishte një frymë politike konfliktuale.
Më poshtë një pjesë nga intervista e Metës 9 muaj më parë për të kuptuar se si ndryshoi qendrimi i tij.
Fevziu: A jeni i kënaqur me qeverisjen?
Meta: Jam i pakënaqur me frymën konflikutale të ministrave dhe institucione të tjera. Duhet të tregojmë një kulturë shtet-formuese.
Fevziu: A do kërkonit rikompozimin e qeversë pas votimit të reformës?
Meta: Nuk ekziston një ambicie e tillë. Po bëjmë çdo përpjekje për të arritur konsensusin për 21 korrikun.
Fevziu: Si do vazhdojë koalicioni?
Meta: Do vazhdojë normalisht
Fevziu: Jeni i kënaqur me koalicion?
Meta: Koalicioni ka arritjet e tij, por në një vit është shpenzuar energji mediatile për reformën në drejtësi (retorikë). Ishte energji e panevojshme, ndërkohë që na duhet klimë konstruktive.
Fevziu: A do të jeni ju kandidat për President me votat e kësaj maxhorance në mesin e vitit 2017?
Meta: Duhet të sqaroj se aktualisht jam kandidat për kryetar i LSI sepse kemi votime në parti.
Fevziu: Dakord, por në 2017 a do të kandidoni për president. A keni ambicie?
Meta: Nuk e besoj, por në çdo rast në të ardhmen, mendoj se President pa konsensus s’mund të jem.
Fevziu: Pra me votat e të gjithëve?
Meta: Në të ardhmen, jo për 2017…
/Opinion.al
