Një seancë gjyqësore i hapi edhe më shumë plagët prindërve të tre vajzave të vrara nga një 38 vjeçar. Në vitin 2013 Madison vrau tre femra, 18, 28 dhe 38 vjeçare e më pas trupat e tyre i futi në qeska të zeza dhe i hodhi në koshat e plehrave.
Ndërkohë sot është mbajtur edhe seanca e fundit gjyqësore në Ohaio ku u mor vendimi për vrasje me injeksion të tij.
Por edhe pse ai ishte vetëm pak orë larg vdekjes së kushtëzuar, nuk ka munguar buzëqeshja ironike në fytyrën e tij kundrejt prindërve të vajzave të vrara. Njëri prej baballarëve nuk ka mundur ta duroj më tej talljen që ai po i bënte dhimbjes së tyre, duke iu hedhur në fyt brenda sallës së gjyqit.
Menjëherë kanë ndërhyrë oficerët e sigurisë të cilët kanë shmangur ndonjë incident të mëtejshëm. Videoja e cila është publikuar nga mediat britanike, po qarkullon me shpejtësi në ueb duke bërë që mijëra shikues të ndjejnë keqardhje për dhimbjen e këtyre prindërve që humbën vajzat nga një vrasës i pashpirt.
