Një video e publikuar nga RTK tregon ish-nënkryetarin e Listës Serbe, Milan Radojiçiç, duke goditur me grusht ish-kryetarin ilegal të Mitrovicës së Veriut.
Radojçiç, i cili është në listën e të kërkuarve në Interpol për sulmin e 24 shtatorit në Banjskë, e godet me një grusht duke e rrëzuar në tokë Aleksander Spiriç.
Spiriç është dërguar në spital në Serbi për ndihmë mjekësore, ndërsa dyshohet se shkak është bërë një konflikt financiar.
Aleksandar Spiriç ka ushtruar detyrën e kryetarit i komunës paralele të Mitrovicës së Veriut nga viti 2020 deri në vitin 2023.
