Guardia di Finanzia italiane ka arrestuar dy skafistë shqiptarë, vetëm dy ditë pas ngjarjes ku një gomone e ngarkuar me marijuanë u ndoq në ujërat italiane për orë të tëra nga policia kufitare e tre shteteve, pa u mundur të kapet. Skafistët u kapën natën midis të shtunës dhe të dielës, 9 milje nga bregu. Një nga skafistët përfundoi në det, ndërsa i dyti u kap më pas. Sipas të dhënave të para ata janë shqiptarë të dënuar më parë.
Dy skafistët shqiptarë u arrestuan nga Guardia di Finanza në brigjet e Casalabate pas një ndjekje prej një ore.
Ndjekja filloi kur policët e financës italiane shquan një skaf të gjatë 7 metra që udhëtonte me drita të fikura. Një anije e rojes detare dhe një motovedetë e shpejtë ndërhynë në zonë, ndërsa u përpoqën të ndalonin imbarkimin, por dy skafistë, me një manovër të rrezikshme duke sfiduar edhe një nga mjetet e policisë italiane, mundën tia mbathin.
Ndjekja u mbyll kur një nga dy skafistët, pas përmbysjes, përfundoi në det.
Financierët vazhduan ndjekjen për bashkëpunëtorin i cili vazhdonte arratinë, e cila megjithatë mbaroi 17 mijë milje larg Casalabate, ku u kap nga forcat militare
Të dy skafistëve u ishte ndaluar hyrja në Itali. Ata u dërguan në portin e Otrantos, ku militarët e Sesionit Operativ Naval vunë në sekuestro skafin dhe kutitë me karburant që transportonin
Skafistët, 34 dhe 26 vjeç, me precedentë në trafikun e substancave narkotike u arrestuan edhe për mosbindje ndaj forcave militare, rezistencë dhe dhunë ndaj anijeve të luftës, përpos tejkalim të normave të sigurisë së navigimit.
Ndërkohë bashkë me policinë shqiptare, policia italiane po ndërton dinamikën e udhëtimit të skafit.
https://www.youtube.com/watch?v=gzZ0ZhYE-fM
