Përpara Gjykatës së Fierit këtë mëngjes ka dalë për të mësuar masën e vlerësimit, dy kushërinjtë Anna Malaj dhe Emiljano Grembi, që grabisnin karburantet gjatë natës.
Fetie Grembi, nëna e Emiljano Grembit ka akuzuar kushërirën e tij, duke thënë se ishte ajo që ia mori në qafë djalin.
“Djalin ma mori kjo mua, më ka ardhur te shtëpia më ka thënë hallë dua çunin se kam frikë jam vetëm. Burrin ajo e ka në Gjermani edhe e gënjeu djalin a e bëri punë e saj nuk e di ça i bëri, kur erdha këtu unë vura duart në kokë, djalin unë e kisha të rregullt. Nuk di gjë, unë për djalin kam ardhur ta shoh me sy, nuk di ça më ka bërë. Djali im s’kishte as makinë, as armë, unë jam pa bukë, jam mbytur në borxhe. Unë skam të paguaj, djalin tim e mori ajo në qafë. Unë e kam çupë vëllai atë, është mbesa ime. Ajo sivjet erdhi ma mori edhe i thashë, e kam nxjerrë dy herë jashtë nga shtëpia i thashë mos më hajde më, se e dija ça do më bënte, se ikte në plazhe e nuk rrinte. Ka qenë në Gjermani, prindërit i ka në Greqi. Djali im nuk ka as armë, armën e kishte çupa, makinën e kishte mbesa. Ajo e ka marrë i ka bërë diçka, ajo ikte bridhte në plazh, thashë do bëjë diçka ajo”.
