Një operacion i madh antidrogë është kryer nga policia e Frosinone në Italisë. Në pranga kanë rënë 43 persona të dyshuar si pjesëtarë të një organizate droge. Mes tyre janë edhe dy shqiptarë. Dihet vetëm se njëri është 63 vjeç me inicialet G.V. dhe tjetri 29 vjeç me inicialet M.V.
Ky i fundit është edhe i biri i një grosisti shqiptar të drogës. Mësohet se babë e bir kishin role drejtuese në organizatën famëkeqe të drogës me bazë ne Kazermone. Ata kishin krijuar lidhje me furnizues droge nga Kolumbia të cilët e sillnin kokainën në Holandë për ta futur më pas në Itali.
Rrjeti kishte ngritur një fabrikë të distribuimit të drogës ku 11 persona merreshin me paketimin ndërsa 22 të tjerë ishin shpërndarës. Droga që tregtohej nga organizata ishte kryesisht marijuanë që futej nga Shqipëria dhe kokainë nga Kolumbia.
