Gjyshi i fëmijës së dhunuar nga drejtoresha e kopshtit “Diren”, Anjeza Shabani ka ndërhyrë live në studion e Opinion ku tema e mbrëmjes është mbi dhunën që ndodh në kopshtet e fëmijëve dhe në mënyrë të veçantë për dhunën e ushtruar ndaj nipit të tij tre vjeçar.
Pashk Aliaj theksoi se fëmija është një tip i zgjuar, por në lidhje me fëmijën shteti duhej të ndërmerrte një nismë ku me kohë të ishte realizuar një terapi.
“Por asnjë nuk po pyet më se çfarë traume ka pësuar kjo familje, askush nuk po pyet se çfarë hallesh ka kjo familje duke pasur parasysh edhe traumën që ka kaluar. I jati ka disa vite që është pushuar nga puna dhe askush nuk merret me të, ka ardhur puna që ka shkuar për të punuar në ndërtim për të zgjidhur sadopak hallet e tija, por pas kësaj traume kush do të hedhë sytë ndaj kësaj familje. Askush nuk po interesohet as për fëmijën e dhunuar ku shteti duhej të bënte diçka, por as për prindërit e tij, që kanë kaluar jo pak nga kjo gjëndje”, tha Aliaj për Opinion.
