Shqipëri – Ishujt Faroe do luhet sot më 20:45 në “Air Albania”, për ndeshjen e fundit kualifikuese të Euro 2024 në grupin E.
Gjithçka duket gati në stadium dhe dhomat e zhveshjes së kuqezinjve janë gati. Tanët, si pritës në këtë përballje do luajnë me fanellën e parë me ngjyrat kuqezi.
Më herët, Federata Shqiptare ka publikuar axhendën, ku parashikohet festë me fishekzjarrë në 00:00.
Gjithçka nis në orën 17:45, kur pritet të bëhet edhe futja e tifozëve në stadium. Në pushimin e pjesëve do të ketë një performancë nga Ansambli i Këngëve dhe Valleve, e ndërsa në fund do jetë e ftuar këngëtarja Juliana Pasha.
Tifozët do të kenë mundësi të festojnë krah futbollistëve kuqezi pasi ato do të dalin në fushë për t’i përshëndetur tifozët.
